麵家

今晚同友人係銅鑼灣食飯，去了間港式粉麵小店，其實說小也不小，因為店舖空間算頗大，跟傳統細小的港式麵店不太一樣，門面霓虹燈招牌幾時髦，店內裝潢以木系餐桌為主，靚裝修，乾淨企理，佈置又帶點港式情懷。餐牌上更註明他們用的麵是超過五十年老字號永樂、河粉用超過七十年的雙喜，真係完全香港製造，真係要支持下。秘製慢煮牛腩麵 $58店家的牛腩全部是自家炆慢煮牛腩，可以選肥腩或瘦腩，個人喜歡偏肥的，油香多一點，牛腩炆到好腍身好入味，不鞋口亦不痴牙。幼麵麵身幼、麵質爽口彈牙。那碗無味精湯底好好飲，我選了招牌大地魚雞白湯，日熬至少八小時嘅湯底，難怪咁鮮甜，飲完暖笠笠。咩都有撈麵 $86配料真係咩都有一點，包括墨丸、牛丸、魚蛋及貢丸，每粒都口感結實又彈牙，當然仲有美味牛腩，不過最驚艷的是店家自己新鮮包的雲吞，大大粒，幾乎食到原隻大蝦，勁足料。時令油菜 $22、飲品 $10起食麵當然要配碟油菜，菜心柔嫩無渣，水準正常。飲品有式可樂、豆漿及茶可選。