金裝燉奶佬餐廳 (大河道) (已結業)

男朋友都幾鍾意黎燉奶佬，因為夠多唔同類型野食選擇。咁一間茶餐廳多野揀，就一定會有d野好食，有d野唔好食。今日就穩穩陣陣叫咗兩個雞脾薯條下午茶餐，一個瑞士汁脾一個炸脾。如果唔怕熱氣，炸脾真係突出好多，估唔到都真係幾好食。雖然要等多十零分鐘，但係上枱熱辣辣，雖然睇落炸粉比較厚，但係食落香脆都ok，肉質keep到炸完都juicy唔乾。相比瑞士汁脾，落單之後就好多上枱，暖暖地唔夠熱，普通茶餐廳standard，不過不失，無期望無失望咁啦。