二十道

北角新開咗呢間拉麵居酒屋，原來餐廳由逾二十年經驗的廚師主理，以五種味道、五種顏色、五種烹調方法及五種態度炮製菜式，所以叫"二十道"。拉麵係佢哋其中一樣主打，質素都不錯！🍜西班牙白豚肉(雞濃湯)拉麵 $78一上枱賣相都吸引。西班牙白豚肉醃得好入味！問過師傅原來西班牙白豚肉經西京面豉醃過再生燒，難怪咁入味軟稔好食。另外配菜都豐富，有蕃茄仔、露筍、黃瓜、日本水菜，黃瓜上面嘅唔係普通木魚，其實係櫻花魚片(即係魚蛋片），比普通木魚更濃味道更好食。呢度嘅個雞濃湯拉麵，味道不錯，食完都唔會口渴，味濃鮮甜得黎，又唔會好油（ 其他拉麵店有時會勁油）。原來呢個都係師傅故意設計嘅，拉麵唔會勁油，配菜都係一啲健康嘅蔬菜（又唔同普通拉麵店既荀呀嗰d），目的係想客人享受美食得嚟都可以健康一啲。個湯底都幾特別，原來除咗雞之外，師傅透露加左帆立貝去淆制，難怪帶有一種特別鮮甜既味道！西班牙白豚肉拉麵嘅湯底仲加咗rosemary香草，所以味道更豐富更多層次。另外一樣比其他拉麵店有特色唔同嘅係，除咗七味粉，佢哋仲提供魚乾白醋可以調落拉麵度食，由於加咗魚乾，零舍香d。🍜和牛拉麵(雞濃湯)$116有三大塊日本和牛， 和牛質素都