鹵八鵝店 (已搬遷) 新店位置

呢度以賣鹵水鵝為主，好多時經過都見有人排隊買。今日就買左鵝掌翼、鵝肝及鴨舌返屋企加菜，仲買左條鵝頸來送酒。鵝掌翼好大隻絕不欺場，鹵得很入味，完全唔需要點附送的幾包鹵水汁都夠味；鵝肝又係幾大隻，味道幾香但幾滯，一舊起兩舊止；鴨舌亦幾好肉，好香麻油味，點附送的甜酸汁好食；鵝頸肉質嫩滑，個人覺得比任何鵝片都好味，用來送酒無得頂。三大盒買左百幾蚊唔係平，但幾有水準，唔錯的。