合利潮州打冷飯店

營業中

休息中

間位於佐敦嘅潮州打冷小店好耐冇嚟幫襯，今日幫襯食晚飯，水準仍然保持到，而且價錢應該冇乜加到，仍然係非常抵食，兩個人叫唔到好多嘢因為唔想浪費食物，所以只點了滷水拼盤同埋蠔餅，兩樣味道都唔錯，埋單$251算好抵啦。逢親去食潮州嘢我都好鍾意叫滷水拼盤，一間潮州打冷店嘅滷水做得好唔好代表着呢間食肆掂唔掂，老老實實呢度就真係好掂，滷水夠香又唔會一味得個咸字，五花腩豬耳仔豬生腸紅腸豬大腸鵝肉芽菜仔同埋豆腐樣樣都好入味。呢度嘅蠔餅都幾脆口，而且唔會太油，唔會漿住個喉嚨，啲蠔仔都幾新鮮同埋好大粒。我哋另外叫咗碗潮州白粥，不過唔記得影相。