百份百餐廳 (愛東商場)

營業中

休息中

話說今日放假無所事事就想去屋企附近買個 Tea 食啦，行過見到呢間餐廳個餐廳個Tea 好似幾吸引，34 蚊有雞比薯條再加杯野飲 ，就立即落左單買翻屋企食啦。由我收到個餐到我翻到屋企都係8分鐘內既事黎既， 平時買麥當勞翻到屋企都仲係熱辣辣既，本身以為呢個茶餐翻到屋企食就算凍d 都係暖暖地熱熱地啊，但係成個餐係完全停留左係室溫既溫度，連暖暖地都無用叉吉下d 薯條， 條條薯條都好似石頭咁硬，味道都Normal 既，都未去到入唔到口既地步既。到成個餐既主角雞比啦， 炸得真係有小小濃，一口咬落去係脆既個口感， 炸雞比黎講隻雞比皮要脆好基本啦，但係我想講本身隻已經醃得鹹，加埋面d 調味粉真係令到隻雞比鹹到極點明明我都幾期待今日個茶餐，但係總括黎講好後悔比左34 蚊買左個咁fail 既茶餐。