巨一麵堂 (已結業)

兩個重口味人士，係電視見到厚牛舌同撈麵好正，慕名而來，點知中伏到爆。明知自己重口味，所以無叫鹽味湯底，因食評話無味。點菜如下：厚燒牛舌撈麵味噌叉燒湯麵先上牛舌。真係好肥美，口感似鵝肝，但乜嘢汁都無點，都鹹到苦。叫個waiter過來問一問，佢話係咁架wor~再上撈麵，湯未上。食咗一啖，鹹到想死，但成70幾蚊，每一啖都覺得涯下去，每一啖都掙扎，70幾蚊犧牲個腎值唔值得？？？湯終於上了！救星到！好在個湯係一d味都無，先可以當沾麵咁食，洗洗個麵！同行味噌叉燒湯麵，終於唔會太鹹，但一d都唔好食，湯無味噌味，叉燒質哋差，最慘係個糖心蛋，蛋黃太熟，個味錯晒，只係一隻滷水蛋囉！碗麵乜都無加都要$100, 仲咁嘅質素，比番小小良心啦唔該。埋單後每人要狂隊兩支水先鎮得住度鹹氣。想洗腎咪幫襯下囉。