影片
更多
2022-03-13
138 瀏覽
Café Crêpe (K11) (尖沙咀)📍尖沙咀河內道18號K11購物藝術館地下G29號舖一直都好中意食法式既crepe，知道K11有一間黎自加拿大既crepe專門店 就決定要黎朝聖！呢到既crepe 款式同口味都超多，咸同甜既都任君選擇，而且仲有啲Danish、沙律同三文治可以揀添～✨Cafe Gourmand一場黎到緊係要食佢地既主打啦！呢個crepe入面有黑朱古力醬、咖啡cream cheese，外面就有rum sauce同biscotti，啲biscotti仲要係餐廳自家製架添！crepe皮係即叫即整，食落去口感煙韌富彈性，而且充滿濃郁嘅蛋香。而咖啡cream cheese 同rum sauce令到成件crepe充滿酒香同咖啡香，兩者相得益彰，好似食緊tiramisu咁。而上面啲朱古力碎碎同biscotti豐富左口感，亦帶出少少甘苦味，層次分明。✨West Coast從來都冇食過鹹嘅crepe，但估唔到有驚喜！Crepe 入面有生洋蔥、煙三文魚、菠菜同cream cheese，好豐富。三文魚同cream cheese味道鹹香濃郁，質感柔滑，而菠菜就平衡左呢兩樣嘅膩感，仲有生
📍尖沙咀河內道18號K11購物藝術館地下G29號舖
一直都好中意食法式既crepe，知道K11有一間黎自加拿大既crepe專門店 就決定要黎朝聖！呢到既crepe 款式同口味都超多，咸同甜既都任君選擇，而且仲有啲Danish、沙律同三文治可以揀添～
✨Cafe Gourmand
一場黎到緊係要食佢地既主打啦！呢個crepe入面有黑朱古力醬、咖啡cream cheese，外面就有rum sauce同biscotti，啲biscotti仲要係餐廳自家製架添！crepe皮係即叫即整，食落去口感煙韌富彈性，而且充滿濃郁嘅蛋香。而咖啡cream cheese 同rum sauce令到成件crepe充滿酒香同咖啡香，兩者相得益彰，好似食緊tiramisu咁。而上面啲朱古力碎碎同biscotti豐富左口感，亦帶出少少甘苦味，層次分明。
✨West Coast
從來都冇食過鹹嘅crepe，但估唔到有驚喜！Crepe 入面有生洋蔥、煙三文魚、菠菜同cream cheese，好豐富。三文魚同cream cheese味道鹹香濃郁，質感柔滑，而菠菜就平衡左呢兩樣嘅膩感，仲有生洋蔥作點綴，為成碟食物帶出少少辛香味道，完全唔heavy～
✨Mocha
上面有好大層cream，多到滿瀉，非常邪惡！ Mocha 既朱古力味好突出，但又唔會搶左咖啡既風味，好啱冬天飲。
✨ French soda Creamsicle
Creamsicle本身就係一種雲呢拿雪糕出面包住果汁冰既雪條，變做飲品之後就係燈味既果汁+梳打，飲落去好清新，超適合嚟緊熱嘅天氣飲！
Cafe Gourmand
13 瀏覽
0 讚好
0 留言
West Coast
11 瀏覽
0 讚好
0 留言
West Coast
15 瀏覽
0 讚好
0 留言
張貼
