蜜蜜見 (已結業)

初初見到店名以為淨係得甜品點知佢有齊意粉 小食果d就決定過黎試下😎叫左大啡菇意粉set 野飲要左烏龍茶大啡菇份量好夠好滿足！唔係求其切幾片俾你果種👍同埋佢係切粒 更加食到啡菇既味道😋好味佢地連杯茶都係用茶壺上 仲有蠟燭坐熱住感受到佢地好有心好有誠意👍甜品就叫左伯爵茶珍珠心太軟 配朱古力雪糕呢個真係好好食😭😭心太軟個蛋糕軟綿綿又濕潤 有淡淡既伯爵茶味一切開就即刻爆漿😍伯爵茶流心唔會太甜 加埋珍珠好有咬口加埋上面層奶蓋鹹鹹地 中和左心太軟既甜膩一個人都食得晒🤤🤤順便一讚後生仔店員勁好禮貌👍雖然坐滿晒食客但服務態度好好 又有笑容 讚！