影片
更多
2018-06-14
158 瀏覽
抹茶和綠茶甜品店，鰻魚飯也出色與港島東返工的朋友飯敍，佢建議行出購物中心，往近太古坊那邊找吃，好耐冇過呢邊嘅我先發現原來呢邊開咗咁多食店。朋友係一個甜品癡，為了甜品誓要在此店晚飯，我當然奉陪。初時仲擔心呢度只得甜品，但原來也有咸食，雖然選擇較少，但有我至愛的鰻魚飯，我諗都冇諗就決定咗。鰻魚飯上魚的份量都唔算少，加咗蛋絲响飯面上，為賣相加分，幾有驚喜，汁燒的鰻魚厚厚的，估唔到甜品店嘅飯食都咁有水準。朋友點咗稻庭麵，實物同餐牌上嘅圖片係一樣！我哋認真覺得日本人做事係一絲不苟的！朋友話個麵好滑，雖然睇落簡單的一碗麵，但應該係越簡單嘅嘢越考功夫。黎到茶唧專門店，我點咗茶桃味焙茶，上茶時有張解說圖，講了加水、焗茶嘅時間同步驟，而店員都好認真咁講解了，更有一個沙漏用來計時，茶，好香，咁認真，更覺值回票價！朋友最期待的甜品出場。佢點咗焙茶芝士蛋糕，除了蛋糕，仲有焙茶味嘅雪精同兩粒白玉丸子！食落有淡淡嘅茶味。我叫咗法式聖馬克抺茶蛋糕，蛋糕好綿、好滑，另外的幾層係mouse之類嘅東西，好好味！加埋濃濃的綠茶雪糕，大滿足！
與港島東返工的朋友飯敍，佢建議行出購物中心，往近太古坊那邊找吃，好耐冇過呢邊嘅我先發現原來呢邊開咗咁多食店。
朋友係一個甜品癡，為了甜品誓要在此店晚飯，我當然奉陪。
初時仲擔心呢度只得甜品，但原來也有咸食，雖然選擇較少，但有我至愛的鰻魚飯，我諗都冇諗就決定咗。鰻魚飯上魚的份量都唔算少，加咗蛋絲响飯面上，為賣相加分，幾有驚喜，汁燒的鰻魚厚厚的，估唔到甜品店嘅飯食都咁有水準。
朋友點咗稻庭麵，實物同餐牌上嘅圖片係一樣！我哋認真覺得日本人做事係一絲不苟的！朋友話個麵好滑，雖然睇落簡單的一碗麵，但應該係越簡單嘅嘢越考功夫。
黎到茶唧專門店，我點咗茶桃味焙茶，上茶時有張解說圖，講了加水、焗茶嘅時間同步驟，而店員都好認真咁講解了，更有一個沙漏用來計時，茶，好香，咁認真，更覺值回票價！
朋友最期待的甜品出場。
佢點咗焙茶芝士蛋糕，除了蛋糕，仲有焙茶味嘅雪精同兩粒白玉丸子！食落有淡淡嘅茶味。
我叫咗法式聖馬克抺茶蛋糕，蛋糕好綿、好滑，另外的幾層係mouse之類嘅東西，好好味！加埋濃濃的綠茶雪糕，大滿足！
張貼
