小甜谷 Dessert Kaffee (已結業)

行左成日街,當然要食返餐好嘅補充返體力啦,同朋友share就嗌左窩夫Pizza combo。套餐有凱撒沙律,卡邦尼意粉,黑松露薯條同埋窩夫Pizza,份量十足呀。窩夫Pizza有3款可以選擇,我地就揀左意大利辣味香腸賓尼迪窩夫pizza,pizza睇黎吾大,不過就好厚身,餡料嘅份量亦好多,充滿著芝士同埋肉醬,芝士嘅拉絲效果十分之好, 不過略嫌肉醬嘅份量太多,令到窩夫有D太濕。 卡邦尼意粉份量夠足,意粉軟硬度亦適中,仲有吾少煙肉塊㖭,不過略乾左少少,如果多D醬就更好啦。炸得香脆嘅薯條,已經沾上左調味粉,再點埋黑松露沙律醬又點會滋味呀。