權記雲吞麵

營業中

休息中

二個女仔食午飯，同事揀呢度，裝修普通麵檔，唔算好坐，唔使等位，我叫咗雲吞麵（$13）我知道呢個價錢唔可以要求太高，但個幼麵真係好重鹼水味，我係食唔到落去，麵質唔彈牙兼好似食蠟！差！三粒雲吞反而幾好，蝦同豬肉比例ok，蝦亦都大隻同彈牙！另外叫咗支支裝忌廉（$6），一碗蘿蔔（$6）無筋，份量亦多，通菜比想像中份量少，不過幾爽口！我知道呢間麵店以價錢平行先，但個鹼程度我不能接受，如果無乜要求嘅，唔食鹼水麵就OK，同事叫牛丸米粉都話無問題！侍應阿姐勤快！