出嚟撈 (已結業)

外賣店黎講，店舖都幾闊落，有位置可以企係到食，而且有賣台式飲品，而家做梗20蚊杯既優惠。要左一個A餐同一個下午茶餐。A餐簡左要左雞腿，配菜簡左魔芋絲、百頁豆腐同魚豆腐。下午茶餐就要左1隻雞全翼，配菜簡左秋葵、雞腎同豬耳。另外加左10蚊要左個麵，個麵係類似平時食撈個d冷麵。d配菜食落都正常但唔係特別出色。兩個餐都簡左要Wasabi撈，但感覺Wasabi 味唔濃，偏淡味，無攻鼻既感覺，而d雞口感ok既，食落無出面食既鹽水雞咁咸咁有味精。但份量方面，A餐寫係一人份量（49蚊），不過裝唔滿，得半盒左右，我係女仔食完都唔飽，如果做主餐既真係要加錢要飯／麵至夠飽，感覺性價比唔高。下午茶（35蚊）3配菜or 1雞全翼加10蚊麵，呢個份量同價錢感覺會值d。