甘味讚岐手打烏冬

營業中

休息中

啱啱去完沙灘經過鑽石山巴士站，費事周圍行於是就去鑽石山荷里活廣場裏面食，見到甘味有吾少人排隊，有人排隊姐代表佢ok啦，所以我就決定食呢間。我叫咗一個60蚊嘅鹽燒豬頸肉讚岐手打烏冬。佢嘅豬頸肉呢唔會太肥，上面有一啲甜甜地嘅醬汁，與其話佢係鹽燒，我更加覺得 佢似醬燒豬頸肉，不過都系好味嘅，大約有五六舊豬頸肉嘅份量。 至於讚岐手打烏冬要讚嘅地方係佢嘅湯底，唔會太鹹，清清地，系個種會令人食到最後不知不覺飲曬啲湯汁嘅湯底。