我想和你無所事事 (沙田中心) (已結業)

平時都好少飲呢啲台式茶飲，因為本身唔鍾意飲凍同甜嘢。直到之前經過聞到呢間野炸緊鹽酥雞超級香噴噴，即刻買咗啲嚟試。初初冇乜特別期望，但佢個髯鬚雞嘅味道真係超級驚喜，雞肉好滑嫩口，所以間唔中都會買零食順便配杯嘢飲。飲過幾杯嘢飲，後尾又同啲朋友仔一齊打牌一人一杯，幾次感覺都唔錯，係正常嘅台式飲品味道，唔算有驚喜但貪佢款式夠多，可以每次試一杯。今日終於等到冬天可以飲熱飲啦，我就揀咗一杯鮮奶烏龍貪佢可以無糖同埋走珍珠，清清地又冇咁膩。始終最鍾情都係佢個小食，可以話係為咗食雞先買嘢飲。今日仲食到好飽下次先買返嚟食，買杯野飲算。但都抵嘅，因為佢儲印仔每買四杯可以送一杯，間間分店都用得。