Jubal (已結業)

食友papanana安排第一次飯局，相約六人共進晚餐。店舖十分細小，一定要訂檯。由於papanana跟廚師Boris相熟，所以由Boris推介。前菜叫左炸芝士，煎蠔，燒帶子，鵪鶉同煎鵝肝。炸芝士一般。但煎蠔真係不得了，蠔隻肥美，甘香，必食。鵝肝外脆內滑，一樣係必食之選。帶子鮮甜，鵪鶉肉滑，質數唔錯。其實食到呢度已經有少少飽。主菜有羊扒，鹿肉，12oz.肉眼扒。三款扒類勁大份，而且羊扒，鹿肉亦切有六件，相信係跟廚師相熟關係。三款扒都係五成熟，剛剛好，軟熟多汁，十分好食。個人最欣賞第一次食既鹿肉，好有羶味，勁好食！肉眼扒亦十分夠牛味，值得推介。最後加兩款甜品，雲尼拿味疏夫里同埋朱古力蛋糕。疏夫里係絕對失準，焗到老哂。反而朱古力蛋糕朱古力味濃郁，夠苦澀味，我鍾意！因為只帶一支酒，係店內多買一支南非Shiraz$240飲得過，送紅肉唔錯。不過開瓶費要$50支。食物十分有水準，不過廚師Boris好有性格，有堅持。