大角咀麥太甜品

營業中

休息中

行街路過見到呢間店，麥兜主題，裝修幾靚，出面甜品櫃d 蛋糕吸引，款都算多，又見坐得舒服就入左去。牆入面藏左唔少麥兜公仔，氣氛係我中意的。 睇餐牌見佢寫住「扣除營運開支後用作社福用途」，又覺幾有意義。最後叫左兩款試—-彩色世界、榴連pancake. 彩色世界係生果大混雜，另有款叫內心世界，問店員有咩分別，話係大碗d同多少少料，點知一黎到真係好大碗.......係2人份量，材料款算多，有西瓜、哈蜜瓜、芒果、奇異果、水晶珠、蘆薈肉、椰果、奇異籽、涼粉， 糖水底。都幾好食，份量絕對得起價錢。榴連pancake 與平時食開既一樣，綠色皮、cream、真榴連肉。 真心好食，整得唔錯。 榴連肉好足料，佔成舊野一半，食個口感係成個口充滿榴連的感覺。 個皮幾夠薄，用叉容易利落地切開，這款比預期中好。