串酒里 (已結業)

今晚同老婆去左間比較無咁顯眼既餐廳食串燒，朋友介紹呢間舖位於山林道一條小巷既盡頭。有露天座位，室內座位唔算多。手工啤有5隻味，我呢支係甘蔗黑啤，味道有啲似黑朱古力，唔會太苦。黃金薯條，黃金即是加左咸蛋，有咸蛋香但唔太咸，熱辣辣幾香脆。自家製惹味雞肉串，肉幾嫩，咬落仲有肉汁。蒜蓉燒原條茄子，開邊燒之餘再搽上醬汁一齊燒，上面仲舖滿幼幼既木魚絲。鹽燒安格斯牛柳粒，好腍無燒到熟哂，肉汁仲保留左喺到，好味！煙肉荔枝串，見幾特別所以叫左，食落面既煙肉係咸，但入面卷住清甜既荔枝，出奇地好食！燒玉子，蛋味好香，面應該再落左少少焦糖，所以幾甜。蒜蓉牛油焗雜菌，食落唔係食開既味道，除左蒜蓉牛油味，仲要偏甜幾特別。