影片
更多
2021-10-23
681 瀏覽
原本喺第二間餐廳訂咗枱食晏，點知老爸突然之間話想試吓呢間，又知道喺銅鑼灣開咗分店，所以一行三人過嚟呢度試吓。可能分店開咗冇幾耐，人唔係好多，完全唔需要等位。排隊買嘢嘅時候職員態度都唔錯，耐心講解。呢間野嘅賣點係有15種配料俾你加落個漢堡包度，同埋即叫即整。我哋要咗三個最Basic嘅hamburger, 一份薯條，兩杯野飲。等咗一陣食物已經準備好，漢堡包用錫紙包住，每個漢堡包有兩塊beef patty, 非常非常之乾，一滴肉汁都冇，甚至唔覺得有任何調味。 我個漢堡包入邊有炒蘑菇，但係一路食啲油同汁係咁滴出嚟到底有冇處理過㗎？麵包質素亦都非常一般，食唔出係即叫即整，薯條係平價快餐店嘅質素唯一可取之處係叫做蔬菜比較新鮮。簡而言之，麥記品質，幾倍價錢，重點係一啲都唔好食。咁就浪費咗我嘅junk food quota
可能分店開咗冇幾耐，人唔係好多，完全唔需要等位。排隊買嘢嘅時候職員態度都唔錯，耐心講解。呢間野嘅賣點係有15種配料俾你加落個漢堡包度，同埋即叫即整。我哋要咗三個最Basic嘅hamburger, 一份薯條，兩杯野飲。
等咗一陣食物已經準備好，漢堡包用錫紙包住，每個漢堡包有兩塊beef patty, 非常非常之乾，一滴肉汁都冇，甚至唔覺得有任何調味。 我個漢堡包入邊有炒蘑菇，但係一路食啲油同汁係咁滴出嚟到底有冇處理過㗎？
麵包質素亦都非常一般，食唔出係即叫即整，薯條係平價快餐店嘅質素唯一可取之處係叫做蔬菜比較新鮮。
簡而言之，麥記品質，幾倍價錢，重點係一啲都唔好食。咁就浪費咗我嘅junk food quota
張貼