影片
更多
2010-02-21
17 瀏覽
20-2-2010睇了 Babedolphin 及辣子的食評, 對呢度的撈麵好有興趣, 是日收工捉了朋友陪我嚟試試. 大家的兩份撈麵餐 (跟小食及飲品) 盡量叫了唔同的配搭, 方便試多 d. 小食 #1 醉酒牛脷托: 係牛舌附近的肉? 切成粒狀再配花雕汁, 食落極爽口, 酒香撲鼻又帶淡淡肉香, 幾好食 小食 #2 花雕醉雞翼: 同一款酒汁, 夠晒香, (雪)雞翼雞皮入味爽身又唔覺肥膩, 不過肉嚡得過份, 亦十分「黐骨」, 感覺麻麻.我食羊腩撈粗配「鹹魚醬」: 粗麵質感幾爽口, 雖然碟底幾多油漬, 又帶輕微鹼水味, 不過「鹼水度」都叫可以接受了, 起碼唔似 e.g. 呢度的鹼水撈粗 (http://www.openrice.com/restaurant/commentdetail.htm?commentid=169100) 咁大鑊; 鹹魚醬唔係死鹹, 食落香濃惹味仲好似帶點甜 (?), 令人諗起壹碗麵的自家製撈麵(沙茶)醬 (http://www.openrice.com/restaurant/commentdetail.htm?commentid=2046428), 正
睇了 Babedolphin 及辣子的食評, 對呢度的撈麵好有興趣, 是日收工捉了朋友陪我嚟試試. 大家的兩份撈麵餐 (跟小食及飲品) 盡量叫了唔同的配搭, 方便試多 d.
小食 #1 醉酒牛脷托: 係牛舌附近的肉? 切成粒狀再配花雕汁, 食落極爽口, 酒香撲鼻又帶淡淡肉香, 幾好食
小食 #2 花雕醉雞翼: 同一款酒汁, 夠晒香, (雪)雞翼雞皮入味爽身又唔覺肥膩, 不過肉嚡得過份, 亦十分「黐骨」, 感覺麻麻.
我食羊腩撈粗配「鹹魚醬」: 粗麵質感幾爽口, 雖然碟底幾多油漬, 又帶輕微鹼水味, 不過「鹼水度」都叫可以接受了, 起碼唔似 e.g. 呢度的鹼水撈粗 (http://www.openrice.com/restaurant/commentdetail.htm?commentid=169100) 咁大鑊; 鹹魚醬唔係死鹹, 食落香濃惹味仲好似帶點甜 (?), 令人諗起壹碗麵的自家製撈麵(沙茶)醬 (http://www.openrice.com/restaurant/commentdetail.htm?commentid=2046428), 正 羊腩係「清湯腩」, 羊味香, 肉十分鬆化, 仲有點筋膜位, 食落爽身, 正 湯底 (牛骨湯?) 帶點藥材味的甘甜, 又有點花椒八角的香, 加埋羊味, 正 幾好食的一款撈麵, 呢個配搭值得試試.
朋友食鮮牛坑腩併魚片頭撈幼, 配「雞汁蝦籽」: 幼麵爽口, 呢個就無鹼水味, 比粗麵好得多; 不過「雞汁蝦籽」無乜蝦籽香, 整體亦較濕, 印象一般; 魚片頭勁厚切 , 魚味唔算濃, 質感就幾鬆化, 而且實在十分彈口, 都不錯; 牛坑腩用新鮮貨, 肉味清香, 質地就似爽腩多 d, 爽到呢 湯底就同羊腩的一樣 (應該都係同一煲來的吧?), 不過呢個就梗係少一份羊味啦, 哈哈.
飲品叫了招牌「創坊奶茶」: 賣相好滑, 飲落亦然, 不過只有奶香, 茶味好薄, 唔太喜歡.
食完麵餐勁飽, 今次註定同朋友 C 介紹的荔枝雪餅無緣了.
食物不錯, 環境亦乾淨企理, 可惜我哋坐的 2 人檯幾窄, 仲要坐喺 4 人坐 6 人檯, 但又勁 "ngah zah" 的隔嚟檯, 都咪話唔辛苦.
埋單每人約 $75, 唔算好貴, 雖然食物並非無敵, 不過嚟開喺呢頭都值得試試的.
張貼
