北海道牧場餐廳 (已結業)

本身係想食對面薔紅，但男友話未食過呢間，雖則兩年前食過尖咀果間還可以，我見menu份量唔多就入左去食。入到去得三枱客，講緊夜晚七點peak hour。不過我都食得下劣食，應該無問題。一坐埋枱，白雪雪嘅枱面一hi埋去原來成枱面都係糖！搞到我成身都糖！叫個疑似店長物體埋黎抹，點知勁求其抹，成個枱角仲係糖個位仲要滴冷氣水⋯最後都係要調位。叫左四樣野：卡邦尼意粉雪糕西多士鮮奶綠茶杏仁朱古力第一樣野上係野飲首先兩杯野已經貨不對辦篤cream呢？而家杯頹野跟餐都加$12喎，都算。先講自己杯朱古力，第一口仲還可以，飲到第二啖，飲到生水味，係勁奇怪，都算，我都飲左大半杯。到杯綠茶先離_晒大譜！成杯野溝左生水，搞到奶同水同糖分開味不突止，杯野無綠茶味，飲完落口啲奶居然有啲苦味藥水味，飲一啖久久不能消散.....結果成杯只係飲左兩啖真心未飲過咁難飲嘅鮮奶綠茶！！！等左輪，到個意粉個汁都仲叫正常，係重蛋黃味。但最重點係啲意粉，嘩，都等左十幾二十分鐘先上嘅一個意粉居然可以未熟得晒！我自己煮心急有咁嘅情況就仲接受到，但一間連鎖店居然咁⋯算啲意粉仲夾左幾粒通心粉，可見其求其程度⋯之後到我個西多士讚左先，兩個雪糕都