紅豆烘焙 (西洋菜南街)

營業中

休息中

今日經過旺角中心，見到對面街有個勁搶眼嘅門面，原來紅豆烘焙開咗分店，之前食過佢哋個布甸包同埋生日蛋糕，都覺得質素唔錯。新開張優惠全店產品8折，等我買返幾個包做早餐先。我係肉食獸，所以我揀嘅包都偏向有啲肉食下。 1.法蘭克福辣肉腸 2.豬柳腸牛角包 3.碎蛋包啲蛋糕真係好靚，顏色七彩繽紛 ，有主題有造型，而家主流傾向新潮嘅蛋糕，紅豆烘焙亦都有推出卜卜蛋糕，又有得玩又有得食 另外仲有自家製嘅甜品 奶凍、木糠布丁，全部擺放整齊，顏色鮮豔，睇到都想食呀！店內嘅麵包款式真係好多樣化，而且款款都金黃飽滿，大大個，有鹹的有甜的任君選擇。臨近中秋 店內亦都有推出自家製嘅月餅食完呢個碎蛋包，飽足我一個上晝，紅豆烘焙嘅包食完唔會好似食咗陣風咁，有飽肚感的感覺牛角包非常鬆化，外脆內軟做得非常出色， 加埋腸仔同埋豬柳漢堡，仲有熱溶芝士，非常邪惡肉鬆包我都有興趣，下次有機會再試試吧。法蘭克福辣肉腸，個包同我塊面差唔多大，腸仔辣辣地 越食越開胃。