微酵烘焙 (MOKO新世紀廣場) (已結業)

一向都好鐘意食唔同既麵包，今次係moko見到呢間新開既麵包店，感覺幾靚又多出面無既包，就同朋友一齊買咗啲做個幾日既早餐。見到有賣埋嘢飲，我地仲即場買咗每一人一杯嘢飲添。我就叫咗甜芝士奶蓋四季萃玉($35)，要咗微甜少冰，個奶蓋都幾多，奶味適中唔會太膩，而茶既茶香味都好勁。朋友就叫咗杯爆爆水果茶($35)，我試咗小小，覺得甜度都幾適中，之前飲過啲水果茶都幾甜，但呢杯就無呢個問題。最尾我地就一齊叫咗五個包，我就叫咗其中三個，朋友就叫咗兩個食。我最期待就係呢個招牌三文治($22)，我同朋友都各自買咗個，返去放咗係雪櫃，第二朝就直接拎出嚟食。入面既sauce同火腿都做到好creamy，食落去好有油滑既香口感，我自己好鐘意，下次經過都打算再回購呀！呢個肉鬆包($28)係朋友買，份量好大，佢話分咗兩日去食，話叮咗之後食好香好好味。蒜香煙肉軟包($28)，呢個都好大一個，我同屋企人一齊分嚟做早餐，我都係叮咗嚟食，啲蒜香味好濃烈好好食，而個包口感都好軟，好鐘意呢種口感。最後就有呢個酥烤羅宋($24)，奶油味最香既一個，都係同屋企人一齊share嚟食，屋企人都好鐘意。