微酵烘焙 (MOKO新世紀廣場) (已結業)

呢度一出旺角東站入商場行幾步就到，因為係我朋友叫我順路買，佢話試過好好食。呢間麵包店好乾淨。髒髒包有3款口味，草莓🍓，抹茶🍵，朱古力🍫我叫咗兩個髒髒包，個莊莊包勁大個，我諗我從來都未食過咁大個面包，大過塊麵既麵包當然係同朋友share一齊食喇。店員會幫我分開袋裝，係獨立包裝真係唔錯，雖然唔環保，但其實一拎上手已經好易沾到面頭啲粉，所以分開裝先唔會沾到其他包既粉。朱古力髒髒包70%比利時🇧🇪松露朱古力整，入面有忌廉芝士，可可味好香，甜度適中。麵包足料夠實，唔會勁多空氣係個包到。抹茶髒髒包餡料就係紅豆粒同埋吉士醬。招牌爆漿珍奶包 , 麵包口感柔軟, 有珍珠粒同吉士醬, 好足料, 食落去即刻爆醬。呢度除咗買麵包仲有嘢飲賣，如果我公司附近有嘅話就好喇，因為可以做下午茶。珍珠鮮奶茶，用明治特濃牛奶同紅茶沖製, 珍珠彈牙。茶底好香草莓🍓mojito 比較遜色，入口冰涼，一入口好勁既酸味，但係好清新。