85度C (宏豐大廈)

營業中

休息中

土瓜灣呢一間麵包舖，佢嘅麵包款式好多，價錢平實，仲好好味😋款款都想試。美式熱狗🌭️$10.5。麵包鬆軟，有沙律醬及茄汁外層烤到金黃酥脆，裡面有美式熱狗香腸，好好食。好運兔$11。呢款麵包造型好可愛，好似隻兔仔咁。麵包鬆軟，入面係香腸。楓糖小牛角🥐$15有3個，外層酥脆，楓糖餡有獨特嘅甜味。另一款值得推介嘅係鮪魚香蔥麵包$13。呢款麵包有酥脆嘅丹麥皮同柔軟嘅麵包，入面包滿咗好多鮪魚香蔥餡，食落好多層次，口感好豐富。仲有其他唔同口味嘅麵包，例如嘅香片花生包$16🥖，有杏仁片及花生香味；高纖合桃麵包 $21係一個健康嘅選擇；再加上厚片方包🍞同雙重朱古力曲奇都係唔可以錯過嘅美味。