Das Gute (已結業)

呢度位於西港城的其中一角落，裝修得幾雅緻。同兩個同事來食lunch，一點之前都唔係好多人，唔使等位就可以坐低。湯是羅宋湯，不過不失；呢度標榜麵包係新鮮即製，咁大大個bakery在隔離，麵包當然不是涷冰冰的，但坦白講，不是十分特別；我叫了什菌忌廉長通粉，即叫即煮熱辣辣，什菌都幾碎同細粒，如果可以大粒D就好，可幸忌廉汁都幾濃郁，加埋餐湯同包都夠飽；同事叫的德國腸配酸菜都不俗，有兩大條腸切開四截，都夠飽；餐後的熱咖啡淡了些少，濃郁一點會更好。埋單每人60多唔算平。呢度如果坐入面會好D，若然係坐外面就要忍受俾等位的人眼望望。