麵屋神匠

營業中

休息中

油麻地 麵屋神匠，好多時經過呢間日式麵屋都會見倒門口企滿等位嘅人，今晚屋企又冇飯開，就約埋朋黎會一會呢個神級麵屋。餐廳裝修好日式🏮，掛滿一排排🏮🏮，都幾有特色。🍜神匠蕃茄蝦湯沾麵 - 一放上枱，一股濃濃蕃茄湯味道除即攻入我嗅覺神經，湯底好濃杰，湯面放上勁多櫻花蝦，另整個湯底升格。另外個沾麵，放上兩塊日式叉燒同溫泉蛋，沾麵係粗身，係我鍾意嘅彈牙口感，由於個汁好濃杰，所以非常非常之掛汁。不能不提，鬼鬼馬馬咁😆有塊羅勒醬多士，味道清新，多士脆度十足，比左個驚喜我😆。🍜神匠蝦汁拌麵 - 餐廳真係一啲都唔手軟，放上勁多櫻花蝦，兩塊大叉燒同溫泉蛋，叉燒肥瘦適中，微微炙過，口感軟淑；溫泉蛋入口流心，蛋香係口腔四濺；呢個拌麵雖然比較幼身，但口感幾好，拌埋大蔥同蔥花粒，非常香日，個汁微微帶有甜度，入口味道清新。🥟炸日式餃子 - 皮薄餡靚，都幾有肉鮮。