刕舙馫麵館 (已結業)

住喺紅磡咁耐，一直都知道其實紅磡工業村嗰邊好多嘢食，以前就好鍾意有一間日本菜嘅，但係佢好似執咗去咗荃灣之後就冇再行過去嗰邊食嘢囉。今次見到佢開左間新麵店，係我最鍾意食嘅刀削麵呀！放工我屋企人兩個人食飯唔知食咩好求其食碗麵啦，然而佢啲刀削麵真係令我好驚喜！睇得出佢係自己整嘅，除咗粗幼唔一樣好有口感之外，唔會好似出邊果啲咁好粗好硬，掛湯都唔錯。見佢Menu上邊推薦嘅係牛筋腩，所以叫咗一碗，另外係見到檯檯都叫嘅口水雞。牛筋腩啲牛筋真係超級軟熟同入味，不過我覺得份量可以多番少少。口水雞認真出色，大大件嘅雞唔會剩係得骨，肉都好嫩滑，特別係個醬調製得非常好，唔會剩係得辣油，就算浸落去湯面度食都好夠味。餐飲跟豆漿。小食叫咗個口水雞醬嘅豆腐，豆腐都幾滑，有少少滷水左嘅感覺。