拉麵凪 (已結業)

本身我係慕名去食蝦拉麵，但係佢話果個係限定，已經冇賣了。咁唔緊要啦，我唯有食而家呢個限定，試吓都好，反正第一次來試這家店。我叫果個就係煙鴨胸闊條麵。都幾特別，我以為意大利先有闊條麵，乜原來拉麵都有。食落又幾好味，夠入味，又有些少煙靭口感。初初以為鴨胸冇驚喜，因為我自己成日網購鴨胸。原來佢果d好食過我網購果d好多，鮮甜d，嫩d。我另加了一客三隻餃，煎得幾好，有肉汁，上面嗰啲少酸蘿蔔蓉幾辟油，使吃落不覺好油。一共155元，好味嘅拉麵大約呢個價，可接受。