刕舙馫麵館 (已結業)

平時都好少食刀削麵，上次食車仔麵時，見到隔離呢間排哂長龍，今日早過晚餐時段經過，決定嗌返碗食下先～金沙骨刀削麵—呢個係佢地招牌嘅其中之一，金沙骨炸到金黃香脆，非常香口🤣麵底方面，我唔想太熱氣嘅關係，所以叫店員走辣。不過冇影響湯底味道，依然清甜可口。刀削麵好有厚度，口感彈牙，加埋蔥粒同莞茜食，好啱我口味🤣至於隻溏心蛋，我發現呢間刀削麵同上次食嘅車仔麵係姊妹鋪，製作溏心蛋嘅方法同味道都一樣，由於真係好好食，忍唔住嗌左隻送麵一齊食🤣最後再嗌左個豆腐皮蛋。外層係豆卜嘅皮，入面係軟滑嘅豆腐，我非常之鐘意食啊！外邊嘅醬其實一啲麵唔辣，仲帶到一種甜甜地嘅味，推介👍🏼呢啲平民小店造出嚟嘅食物都好有水準，建議大家去支持下啊！