Mimila (已結業)

係沙田市中心好少有馬來風味的食物，自從我唔太愛食既Tony Wong冇左之後，果個舖位就變左呢間馬來菜式既餐廳！餐廳不算很大，燈光光猛，坐低後侍應為我們奉上暖水。餐廳主要食馬來亞麵食，因為上次食過另一間餐廳的辣蝦湯，所以今次食咖哩喇沙湯！咖哩喇沙湯配手撕雞($88)，湯底有淡淡的咖哩味，唔會蓋過喇沙湯的味道，湯底夠濃但唔算好辣！除了有手撕雞外，還有魚片、雞蛋及豆卜，這些都是平時喇沙的配料，整體來說整碗味道不過不失！貓山王芝士蛋糕($58)，未食已經聞到果陣榴槤味，食落去榴槤味頗濃，因為是芝士蛋糕，所以食落口感都有點像食緊榴槤！總括黎講，價錢就貴左少少，但甜品出色，可以再考慮試下其他麵食！