火夫

營業中

休息中

呢間網上評論不俗嘅日式餐廳，set lunch有兩款，平啲嘅（$78）係一個麵食加一杯飲品，貴啲嘅（$118）就係一個麵食、兩個串燒同一杯飲品，不過留意返，有啲款式嘅麵同串燒係要另外再加錢。今次點咗明太子撈麵加串燒。麵食冇點最多人推介嘅蝦湯麵就出咗事，個撈麵一個字去總結：鹹！雖然食得到明太子味道，但真係太鹹，有少少失望。串燒方面係即叫即燒， 而且味道都唔錯。葡提鴨卷嘅葡萄甜味幾襯鴨肉。生蒜牛柳係炸蒜表皮（相入面有醬嗰件），有好濃蒜味，個人中意食蒜所以覺得OK。整體而言，呢個價錢，碗麵嘅質素係令人有啲失望，好彩個串燒都唔太差，所以都算合格。