麵.睦月 (已結業)

日式鰹魚吉列豬扒瀑布闊麵: 整個餐有前菜三款+主食+麵豉湯一碗+飲品。前菜好精巧簡單, 但非常開胃。麵豉湯普普通通。吉列豬排嘅炸衣薄身, 好熱好脆, 咬一啖清脆而落, 皮無散, 即係油夠熱！肉質中規中矩, 都鬆軟, 但唔係豬味濃果啲。瀑布闊麵香港少有, 所以黎到都突登食！有大概三隻手指嘅闊度, 煙煙韌靭, 幾彈牙, 好滑身, 滑到有啲難夾起。雖然唔係好多條, 但唔知係唔係因為太大條, 要不斷咬, 感覺有啲多有啲漏。鰹魚湯湯底, 清澈有鮮味, 幾啱日式麵, 好飲過麵豉湯。💰 HKD 68✨ 鋪頭唔算好大, 但係日式設計, 以木系為主色調, 再加上貓貓嘅裝飾。雖然我唔中意貓貓, 但日本風, 都帶給我有家的感覺。