陸陸雞煲火鍋 (已結業)

雞煲喺香港好似都興左一排, 但我一直都未食過, 因為怕辣, 但同學們大力遊說一試, 話雞煲唔一定「辣」，好味的其實係「麻」.....講到咁玄...姑且試試...呢間店係其中一位朋友睇雜誌介紹的，不過冇朋友試過，睇食評又好似幾OK，所以早一日訂左位。去到都要等一陣, 不過好快就有位。我地6個人叫左一個小辣雞煲，個煲一上枱，真係好香!!!雞件上D醬汁好平均咁分佈，賣相相當不錯~ 一咬......終於明白乜野叫「麻」^_^，以我完全唔好辣嘅人來講，其實佢都有少少「辣」，但個味道係再加上「香」同「甜」，「辣」味微微的，食左唔會要勁飲水，同埋都仲食到雞味，D雞應該煎(炒!?)過，因為雞肉有D煎香左嘅香味。我未食過雞煲，所以冇得同其他舖頭比較，唔知係咪叫「正宗」，不過我就好鍾意個味道---又甜又辣，雖然我有啲朋友「嫌」唔夠辣，但我覺得剛剛好~~~之後個雞煲用來打邊爐，我地叫左封門柳、駝鳥肉、肥牛、丸子拼盤、菜籃、竹笙....D味道都幾好，特別推薦封門柳，佢肉味好濃，肉質都幾嫩，其他地方好少食到; 竹笙同個雞汁好配合，爽夾滑; 丸子方面，個手打墨魚好有鮮味，相當彈牙! 駝鳥肉就普通~另外，呢度裝修環