街頭火鍋

營業中

休息中

朋友回港相約火鍋，由於就大家方便，決定地點在銅鑼灣⋯⋯筆者記起依間一直想試，於是一行四人相約在此。按電梯2字，門口已有多張明星照片，依間食店都幾多明星撐塲⋯⋯進入食店，左右兩邊分別有四人卡位，中間部份是圓枱，四個人可以靜靜地坐卡位，三五知己坐中央部分的圓枱，店長告知，還有包房，更有卡拉OK房。醬汁的豉油樽認真犀利，一看全是名酒酒樽，非常有氣勢。可以選擇鴛鴦火鍋湯底，將兩個價錢除二，相當有彈性。魚片頭及魚腐~筆者當晚很喜歡這個魚腐，即叫即做，送上來熱騰騰，微甜，煙煙韌韌，作為一個下酒小吃，相當不錯。雙拼本地牛切牛$438~牛肉可以選雙拼兩種部位食法。新鮮雞腸$88~筆者看見點餐紙竟然有新鮮雞腸，即時呈現麻甩性格，爽呀⋯⋯豬天梯~黑柏葉~脆肉鯇~整體來說:地點鄰近地鐵站，四個人有卡位坐，平日到來坐得舒服傾下講下，食物方面，有筆者喜歡的麻甩系列，雞腸、鵝腸、豬天梯、豬爽喉、黑柏葉等⋯⋯原來還有卡拉OK房，下次可以試吓，朋友相聚又多一個好地方選擇。