和記海鮮飯店

營業中

休息中

平時去佐敦八文樓，通常只去隨變食鷄煲，是晚食友介紹佢朋友屋企人有間餐廳響隨變條街，叫和記海鮮飯店，主要做街坊生意，一行三人去試試，原來店內都幾大，大枱可以有十數圍，仲要星期二都有八成客。 店方介紹名物，燉湯：花旗參鷄腳湯，好香花旗參味，湯頭清甜，可見鷄油仍在窩中但其實不算肥膩。 朋友飲啤酒，所以點了椒鹽九肚魚及炸蝦餅雙併，椒鹽九肚魚脆漿炸得夠薄，外面香脆、裏面魚肉嫰滑，而炸蝦餅也是炸得火喉適中，蝦肉味鮮彈牙。 又一推介名菜，蒜香蝦球，此菜伴飯一流，蒜香汁味香撲鼻，蝦球用油泡過，肉質鮮美彈牙，我食了兩碗飯。 原來燒味也是自家製的，所以點了例牌燒肉及义燒嚐嚐，燒肉雖已放凍，但皮仍然脆身，加上肥美有層次的燒肉，好好咬口，而义燒是用上梅頭肉，肉質夠肥又夠腍，是做得不錯之义燒。 還有一、兩碟忘記拍照，埋單每人不用$100，價錢非常便宜，可以攪大型飯局。