麻神麻辣火鍋 (已結業)

早排聽朋友黎過呢間麻神，食過話唔錯，黎開銅鑼灣我同朋友都走黎試下啦!環境唔錯，地方都幾寬敞，坐得都舒服!見到Menu，食物種類都幾多，感覺仲多過平時酒樓打邊爐!雖然見到有套餐，不過我地比較細食，唔敢叫太多，就散叫想食的就算…我地叫左牛骨髓、鵝腸、牛頸、墨魚丸、炸魚皮同鴨血.....個湯底幾有驚喜，超香濃的麻辣味，但食落又唔算太辣，食一食就覺得有D麻…個炸魚皮好正，一浸即食，好有口感而且帶點麻味!至於個牛，真係唔錯，肉質鮮嫩，有咬口，同麻辣湯底超夾，可能因為我地都好辣，所以覺得特別滋味!仲有打邊爐都係要飲埋啤酒先爽啊~