影片
更多
2018-11-30
17 瀏覽
食完飯就緊係要填飽埋第二個胃啦～去尖咀一間小清新feel嘅甜品店～見佢menu有齊晒中西式糖水同甜品，本身想嗌個芝士粟一燒都竟然賣晒啦🤧可惜食唔到，唯有試下窩夫啦～宇治抹茶麻糬窩夫伴雲呢拿雪糕 $70係抹茶窩夫呀！上面有鋪滿晒嘅紅豆，好多粒抹茶啫哩，全部料都多到有啲誇張😂仲要中間有口感qq嘅麻糬！！❤️新鮮出爐嘅窩夫外脆內軟，加埋麻糬唔止軟熟，仲多咗層煙韌嘅口感，超級好食～～個抹茶啫哩係厥餅嘅口感，其實係咪即係厥餅(?) 總之就唔太甜得黎又食到抹茶味，就咁食又得，夾住窩夫+雪糕+紅豆食又可以中和下甜度。芒果酥皮拿破侖 $60酥皮好考功夫，但都可以睇到有好多層！而且夠薄同埋脆，中間啲cream好似膠水將幾層痴住，唔會一切就散開晒，就咁食可以試到個酥皮原味，夾芒果或者士多啤梨味道就更加有層次！曲奇奶昔 $48Oreo味嘅飲品係永遠都唔會伏，上面仲要有真oreo食架～檸檬薰衣草 $48唔係花茶但飲落有陣陣嘅薰衣草香，感覺似飲緊花茶，加上有檸檬酸酸地，都幾開胃，等我繼續再戰甜品～仲有好靚嘅水信玄餅
見佢menu有齊晒中西式糖水同甜品，本身想嗌個芝士粟一燒都竟然賣晒啦🤧可惜食唔到，唯有試下窩夫啦～
宇治抹茶麻糬窩夫伴雲呢拿雪糕 $70
係抹茶窩夫呀！上面有鋪滿晒嘅紅豆，好多粒抹茶啫哩，全部料都多到有啲誇張😂仲要中間有口感qq嘅麻糬！！❤️
新鮮出爐嘅窩夫外脆內軟，加埋麻糬唔止軟熟，仲多咗層煙韌嘅口感，超級好食～～
個抹茶啫哩係厥餅嘅口感，其實係咪即係厥餅(?) 總之就唔太甜得黎又食到抹茶味，就咁食又得，夾住窩夫+雪糕+紅豆食又可以中和下甜度。
芒果酥皮拿破侖 $60
酥皮好考功夫，但都可以睇到有好多層！而且夠薄同埋脆，中間啲cream好似膠水將幾層痴住，唔會一切就散開晒，就咁食可以試到個酥皮原味，夾芒果或者士多啤梨味道就更加有層次！
曲奇奶昔 $48
Oreo味嘅飲品係永遠都唔會伏，上面仲要有真oreo食架～
檸檬薰衣草 $48
唔係花茶但飲落有陣陣嘅薰衣草香，感覺似飲緊花茶，加上有檸檬酸酸地，都幾開胃，等我繼續再戰甜品～
仲有好靚嘅水信玄餅
張貼
