影片
更多
2023-11-15
271 瀏覽
My Sweet Art📍尖沙咀河內道18號K11購物藝術館B1樓Kiosk 56行K11 Art Mall時，見到有一間麻糬甜品專賣店，販售各種口味嘅麻糬毛巾卷同麻糬巴斯克，款式花多眼亂，真係有少少選擇困難。我一心揀好每個種類揀一款，買嚟孝敬一下朋友嘅爸爸媽媽，不過實在太難選擇，所以我將主導權交俾店員，請佢為我哋推介兩款口味。 💰$268奶茶麻糬毛巾卷 🧋店員話好多人都會揀抹茶同朱古力呢啲基本人氣款，但佢私心推介奶茶口味嘅麻糬毛巾卷，因為佢食過都話一試難忘。雖然單價較貴，但個人認為非常值得，因為毛巾卷內卷有滿滿嘅奶茶忌廉，一切開就流心爆漿，夾心嘅奶茶凍、麻糬同黑糖增加口感同味道，完美還原珍珠奶茶！Crepe皮唔會太厚，整件毛巾卷層次豐富，啖啖香甜奶茶味，大概可切成4-5人份量，相當抵食。如果想再濃味啲，可以配埋隨毛巾卷附上嘅奶茶醬食。記得要將奶茶醬搖勻，佢嘅質感係半流質，奶茶味極濃，個人認為食唔曬，可以拎嚟塗麵包食，相信一定同樣美味！ 💰$138D24榴槤麻糬巴斯克 🧀至於巴斯克呢，店員先詢問我哋食唔食榴槤，我係大fans就係人都知，但朋友係好怕食榴槤嘅，所以都有諗過好唔好答唔食，不
📍尖沙咀河內道18號K11購物藝術館B1樓Kiosk 56
行K11 Art Mall時，見到有一間麻糬甜品專賣店，販售各種口味嘅麻糬毛巾卷同麻糬巴斯克，款式花多眼亂，真係有少少選擇困難。我一心揀好每個種類揀一款，買嚟孝敬一下朋友嘅爸爸媽媽，不過實在太難選擇，所以我將主導權交俾店員，請佢為我哋推介兩款口味。
[價錢 Price]
💰$268
奶茶麻糬毛巾卷 🧋
店員話好多人都會揀抹茶同朱古力呢啲基本人氣款，但佢私心推介奶茶口味嘅麻糬毛巾卷，因為佢食過都話一試難忘。雖然單價較貴，但個人認為非常值得，因為毛巾卷內卷有滿滿嘅奶茶忌廉，一切開就流心爆漿，夾心嘅奶茶凍、麻糬同黑糖增加口感同味道，完美還原珍珠奶茶！Crepe皮唔會太厚，整件毛巾卷層次豐富，啖啖香甜奶茶味，大概可切成4-5人份量，相當抵食。
如果想再濃味啲，可以配埋隨毛巾卷附上嘅奶茶醬食。記得要將奶茶醬搖勻，佢嘅質感係半流質，奶茶味極濃，個人認為食唔曬，可以拎嚟塗麵包食，相信一定同樣美味！
[價錢 Price]
💰$138
D24榴槤麻糬巴斯克 🧀
至於巴斯克呢，店員先詢問我哋食唔食榴槤，我係大fans就係人都知，但朋友係好怕食榴槤嘅，所以都有諗過好唔好答唔食，不過又考慮到佢爸爸媽媽係唔討厭榴槤嘅，所以我哋就抱住試新嘢嘅心態，聽店員建議揀咗D24榴槤麻糬巴斯克。
我想講呢個D24榴槤麻糬巴斯克真係超！好！食！一打開盒，香醇嘅榴槤味已經撲鼻而嚟，無諗過一切開會見到大量榴槤蓉，比例同cream cheese近乎相同，認真足料！夾心嘅麻糬軟軟糯糯，味道唔太濃烈，唔怕喧賓奪主之餘，令個巴斯克嘅口感更上一層樓。
由於佢真係太好食，我怕自己會食到停唔到口，所以只係切咗相入面見到嘅一少嚿嚟食。雖然好味，但食得多會有啲膩，建議大家好似我咁，一係就少少哋食，一係就同他人分享，享受一下best of both worlds (durian & basque cheesecake)！
張貼
