茶墨 (已結業)

今日慕名而來去咗The One試飲水墨風手搖飲品。叫咗兩杯嘢飲同一件蛋糕麻糬芝麻烏龍鮮奶茶 $39外表非常之靚，真係好似抹緊中國水墨畫咁。芝麻同埋烏龍茶出奇地夾，加埋cream令個奶茶口感跟奶滑，又唔會過甜。你半夜飲值得叫嘅原因就係佢嘅麻薯，細細粒QQ軟軟，本身都有種微甜嘅味道，份量啱啱好夠餸晒成杯嘢飲。士多啤梨雪糕奶昔 $48呢個又係有得免費加cream，佢有啲士多啤梨果肉，飲落好重士多啤梨味，奶香亦都出色，口感傑身。佢係用意式雪糕整嘅奶昔，所以唔會好邪惡。佢有好多款蛋糕嘅太飽所以冇嗌到個巴斯克紐約芝士蛋糕，只係嗌左一件切餅。疏乎厘芝士蛋糕 $40因為係疏乎厘，所以佢冇芝士蛋糕嗰種厚實嘅感覺，反而係有少少似係喺海綿蛋糕與芝士蛋糕中間嘅口感。除咗蛋糕，佢仲有低脂雪糕，不過因為天氣凍所以冇叫到，而且萬聖節仲有一個南瓜麻薯鮮奶，如果有機會一定會試。