爺爺雞煲皇 (已結業)

入來做考察，同朋友食埋雞煲先走，美國都唔知加唔加息，等加息樓價跌。叫份香口小食邊得雞煲滾，有炸魷魚，粉漿薄魷魚腳好實身具嚼勁。食個雞煲心情好，叫半份雞都應該夠食，因之後仲會叫料打邊爐。小辣就返所有人食辣程度，個煲雞香噴噴，落足香料每件雞都入味，醬濃而滋味，大大件又多肉，雞肉煮好食落紮實。 肥牛邊小得呀 ，脂肪雪花分佈勁靚， 肉色鮮紅，滾兩下食得富牛味又軟熟。打邊爐配料我都鐘意叫店自家製，好似手打丸咁，如果街市買到我自己返屋企打仲平靚正啦！呢度手打丸先合我心，唔會滲入麵粉所以好彈牙。粒牛丸中間爆汁呀，小心燙口！食左咁多肉都要食菜平衡，一籃雜菜葉緣新鮮就ok了，當然仲要份量多抵食。食完出返市區，出市區的巴士有位坐，好飽在車上不知不覺睡了。