影片
更多
2018-03-10
62 瀏覽
初春呢啲梅雨季節又濕又凍，身邊有唔少朋友同事都感冒。連自己都有少少中招嘅感覺，所以收工就聽朋友介紹過黎食下辣野驅下寒，學四川人咁增強體格。呢度環境格局都似樓上私房菜館咁，有少少隱秘又有少少熱鬧，充滿尋寶氣氛。餐牌選擇都好多，鐘意食辣嘅朋友一定揾到啱食嘅。今晚就同朋友揀左呢度嘅招牌之一紙包牛肉，再加兩三個配菜就已經好夠食了。咁正式開餐前當然要飲返碗湯先啦，圓肉瘦肉燉烏雞飲落清甜夠火候，仲有淡淡嘅杞子香。完全無落味精又無其他調味料，所以飲落啖啖都係材料原本嘅精華。雞絲海蜇涼浸浸又夠爽口，加上芝麻香口，味道算清淡食完都開胃啲。酸辣土豆絲，熟成度啱啱好薯絲仲保留爽脆口感。雖然落左乾辣椒去炒，但都唔太辣反而係椒香味好出，酸酸地增加口水分泌。黎到主角紙包牛肉出場了，店員一送上枱就幫我地將個牛肉包剪開，係打開嗰下花椒嘅辣香味一湧而上，未食都已經覺得夠晒驅寒。紙包牛肉超級有分量，乾辣椒同花椒粒滿瀉咁滯。牛肉藏於其中吸收晒所有味道同香氣，入口麻／香／辣俱全食得好過癮。牛肉因為走過油，所以仲保持嫩滑。因為用左大量辣椒做成所以一食嘅時候舌尖即刻感受到強勁嘅辛辣，慢慢再出現花椒嘅麻，最後咀嚼會食到孜然同滷香味
餐牌選擇都好多，鐘意食辣嘅朋友一定揾到啱食嘅。今晚就同朋友揀左呢度嘅招牌之一紙包牛肉，再加兩三個配菜就已經好夠食了。
原盅足料燉湯
$48
20 瀏覽
0 讚好
0 留言
咁正式開餐前當然要飲返碗湯先啦，圓肉瘦肉燉烏雞飲落清甜夠火候，仲有淡淡嘅杞子香。完全無落味精又無其他調味料，所以飲落啖啖都係材料原本嘅精華。
雞絲海蜇
$58
13 瀏覽
0 讚好
0 留言
雞絲海蜇涼浸浸又夠爽口，加上芝麻香口，味道算清淡食完都開胃啲。
酸辣土豆絲
$78
17 瀏覽
0 讚好
0 留言
黎到主角紙包牛肉出場了，店員一送上枱就幫我地將個牛肉包剪開，係打開嗰下花椒嘅辣香味一湧而上，未食都已經覺得夠晒驅寒。
紙包牛肉
$268
20 瀏覽
0 讚好
0 留言
紙包牛肉超級有分量，乾辣椒同花椒粒滿瀉咁滯。牛肉藏於其中吸收晒所有味道同香氣，入口麻／香／辣俱全食得好過癮。
牛肉因為走過油，所以仲保持嫩滑。因為用左大量辣椒做成所以一食嘅時候舌尖即刻感受到強勁嘅辛辣，慢慢再出現花椒嘅麻，最後咀嚼會食到孜然同滷香味道，層次堆疊得令人食唔停口，正。
干鍋花菜
$88
5 瀏覽
0 讚好
0 留言
干鍋花菜係食完紙包牛肉後覺得零舍爽甜，花菜本身都有用辣椒同豆瓣醬去煮，但相較之下佢嘅辣就變得好温柔。而且花菜中加入臘肉令到味道多左陣油香味，所以食落脆爽惹味。
擔擔麵
$35
9 瀏覽
0 讚好
0 留言
擔擔麵以涼伴做法而成，辣椒油／芝麻醬／豬肉碎／花生碎／蔥花係攪拌均勻後，油香麻辣味道共冶一爐，啱晒係食完咁惹味嘅牛肉同花菜之後，作為填肚之用。
紅糖冰粉
$38
9 瀏覽
0 讚好
0 留言
食完咁刺激辛辣嘅菜式，最後食返碗紅糖冰粉，既解辣又降温，甜度唔算好高，但加上左山楂嘅酸不愧係川菜中生津降火嘅一道名品小吃。
張貼
