串爆

營業中

休息中

廣華街呢間麻辣串串已經唔係第一次食，麻辣湯底好香麻、放題嚟講串串款式又多。仲有野飲都係任飲，可以邊食邊解辣。$208 任食120分鐘。串串全部都係一串一口，辣度麻度都可以自選。因為我朋友想食特辣，但我最多食到中辣，店員仲特登幫我地另上特辣湯。店員細心又態度親切。串串款式嚟講都算齊全，蔬菜、丸類、肉類都有。牛柏葉同魷魚都算爽口。除咗麻辣串串之外，小食都係放題任點。小食都係細細碟上，有麻辣牛柏葉、手撕雞、手拍青瓜同埋雲耳，味道方面水準一路都keep到。最後推介食完所有野要食埋甜品，點返碗冰粉。 甜甜地嘅啫喱，解辣必備。