熊貓小雲吞 (愛民廣場)

營業中

休息中

是咁的喺附近返工一路都唔知道原來附近開咗一間四川麻辣嘅雲吞店，今日中午嘅時候同事話畀我聽，我哋就落咗去買嚟試一試。鋪頭裏面都幾多選擇同埋價錢非常之親民一點都不貴。最後我左睇右睇我就揀咗個麻辣小雲吞小棠菜，十隻小辣都只係成為18蚊。然後我就再加咗一個雞絲涼麵。中午嘅時候人流都幾多，但是店員都好快手所以好快可以食嘢。個雞絲涼麵非常之足料同大份，非常之抵食而且好有四川麻辣味，食得辣嘅朋友可以嗌中立或者大辣但是我唔食得辣所以嗌咗小辣。而佢嘅雲吞都非常之入味同包得好滑好細粒，啱啱好係一口雲吞嘅份量，整體嚟講我認為佢嘅舖頭充滿四川風味，而且食物嘅味道覺得非常之好，唔會出現太鹹或者太油或者太辣。