鬼金棒

營業中

休息中

呢日終於同朋友黎到尖沙咀潮聖～ 入到黎見到樣樣野都紅卜卜，真係嚇到鬼死！ 呢度主打死神地獄級麻辣拉麵，周圍掛滿日本惡鬼，好彩！原來都可以揀唔辣、小辣、太辣、鬼辣🔥🥢特製麻辣味噌拉麵揀咗個小辣，個特製麻油香味濃厚。而最特別係件厚切叉燒！唔係一般叉燒，厚到好似東坡肉咁！ 冇諗過食到咁肥厚又淋身。麻辣味再配埋味噌，令到個湯底超濃香一食上癮！🥢芫荽麻辣味噌拉麵另一個揀咗中辣，朋友覺得有啲料到！辣味慢慢咁滲出黎，由個胃度暖到上頭頂。勁惹味～ 而碗上面爆量芫荽，刺激得黎又重口味，好正好食。鍾意芫荽必試🥢糖心蛋呢個值得分享～ 係紅心嘅糖心蛋，蛋味非常濃郁，記得要加🥢煎餃新鮮脆口上碟～ 正常發揮～