川上龍 (已結業)

一向鍾意食辣，朋友於是四出尋找，然後決定去川上龍一試。因為已訂位，所以完全不用訂位。首先，環境挺優雅的，但全都是方枱，只有一間VIP房有圓枱，不過最低消費$1800，但衡量過食物價錢及各人的食量，應該有可能達到這標準，所以7個人都只係坐出面的長枱。總共叫了5個餸，有麻辣牛肚絲；水煮龍躉加薯粉；麻辣雞煲、剁椒大魚頭同孜然豬仔骨。牛肚絲辣中有麻味，因為碟內有不少花椒，所以食落有麻香味；水煮龍躉好辣，但魚的片數少，基本上每人只有一片，我地加左薯粉，加起來整鍋食材望落先飽滿，薯粉食極都有，超奇怪。雞煲都有麻辣味，但唔夠濃，可再濃一啲，而葱唔係太多，附有少少年糕，唔夠煙靭，有少少咸。剁椒魚頭，有肉的地方滑，但滲到汁的地方，就會好咸，係幾味菜中最咸的。孜然豬仔骨孜然味足，但係肉唔夠鬆，冇咩肉汁。整體來講，尚算不錯。