麻辣娘子 (形薈) (已結業)

對我而言，筲箕灣一直喺東區嘅美食天堂，近排筲箕灣開左新商場－形薈，入面有多間特色餐廳，包括四川菜、意大利菜、燒肉都店等等。美食天堂呢個地位可謂更加穩固。今日同女友就試左四川菜嘅麻辣娘子。餐廳面積非常大，燈光非常明亮，仲有燈籠作裝飾。麻辣娘子食物款式超乎想像地多，麻辣香鍋、酸菜魚、酸辣粉、小龍蝦應有盡有，甚至仲有手搖飲品😱- 古法紅燒肉紅燒肉屬於半肥瘦，肥而不膩，同時瘦肉部份唔會柴，醬汁令燒肉入口微甜醇香，送飯認真一流。- 麻婆豆腐又係另一道超級下飯既一道菜😍，豆腐質感綿密，而且唔易散開，另外仲加左菜脯同肉碎，口感更豐富。顏色夠晒紅噹噹。不過可能落得唔夠花椒油，所以無咁香麻。- 酸辣炒土豆絲土豆絲酸辣可口，而且炒得非常爽脆。每一條土豆絲嘅長度大小非常接近，證明師傅既好刀功。- 煉乳饅頭饅頭炸到金黃色，入面鬆軟但唔太粉，沾上煉乳令饅頭味道提升一個層次，而且可以一口食晒，非常滿足。以上四道菜都唔貴，每款平均$60至$70，兩個字抵食！