小川莊 (已搬遷) 新店位置

朋友好中意食辣，見到小川莊開左冇幾耐午餐時間又唔多人，就入去試下同朋友叫左幾款麵食share，可以試多幾款酸辣粉＄32湯底酸辣度適中，好開胃有莞茜、芽菜、花生等等既配菜薯粉唔會煮得過淋，非常彈牙性價比高！滷蛋牛牛麵＄48湯底有肉香味用左類似拉麵既粗麵條，掛湯能力ok牛肉有咬口但唔會太韌有好濃既肉香蛋微微塘心，醃得幾好上面仲有脆卜卜既炸豆可能係炸花生、蠶豆之類豐富左個層次感雞絲粉皮＄40以為係涼盤，原來係室溫既雞絲分量多，粉皮分明，有咬口加埋青瓜豐富左口感配上麻醬同辣油，真係一流！