雲長小龍坎老火鍋 (已結業)

去完旅行返黎緊係最掛住辣野啦！雖然開左好耐但一直未有機會試，一入去就聞到好香辣味啦店內裝潢係中國風，有自助醬料區。每人都會有圍裙，一小罐麻油。湯底：紅油麻辣+番茄鴛鴦，我冇試，不過其他人話番茄味濃同埋好酸。鍾意食椒鹽野的朋友可以叫椒鹽粟米，哩2種食物出奇地夾，而且係用一個鐵鍊酒樽做器皿，好特別。（相片最頂係椒鹽栗米）牛肉好林，炸紫菜響鈴好脆必點，其他火鍋配料都好新鮮唔錯！麻辣火鍋最後一定要叫冰粉或者紅糖糍巴，不過哩度冇冰粉，個糍巴普普通通，唔算必食。整體而言，我會再黎，因為佢夠辣，野食都新鮮，5個人食左$2xxx, 雖然每人$400幾，但係飽架，所以我覺得抵食。