影片
更多
2023-06-27
23 瀏覽
比佢Openrice上嘅抵食套餐吸引左，$400幾蚊有曬湯底菜同肉，但去到反而被個麻辣湯底影響，揀左散叫。前菜係涼拌貢菜，酸辣爽口，幾開胃，追住食。湯底加$20就可以雙拼，湯底無欺場，麻辣湯上有一大舊牛油，蕃茄湯都有好多舊蕃茄同薯仔。兩個湯底都夠味，溝左嘅豉油汁都好少用。牛肉做緊半價優惠，黑柏葉折左$49，分分鐘平過平時出街食漂白過個種。黑柏葉切得大大件，煮完縮細左都仲keep到個口感，推薦放落麻辣到，好掛湯。牛頸脊 本身睇樣諗住麻麻，油脂分佈唔算好靚，點知食落有驚喜。肉片唔會切太薄，呢種厚少少嘅肉食落更加有口感，肉嫩又有牛味。韭菜餃本身想叫啲特色餃，例如鮑魚餃，但當日無貨。韭菜餃個餡嘅菜肉比例唔錯，可惜餃子收口位包得太厚，咬落去略硬同厚。白鱔拼脆鯇片每樣有4塊，白鱔彈牙無骨，可惜當日個脆鯇片好重泥味，用麻辣湯都蓋佢唔住。建議淨叫白鱔，白鱔好食。花雕醉雞啖啖肉，但由於我地太鐘意麻辣湯，用佢黎煮已經試唔出酒味。山藥+生菜當日店員服務都好好，有禮貌又積極加湯加茶。見我哋疑惑咁望住魚缸條不知名魚時，又會同我哋講下笑，介紹下。可能好多人對餐廳個賣點focus左落旅遊主題，但個人覺得食物質素都有
前菜係涼拌貢菜，酸辣爽口，幾開胃，追住食。
湯底加$20就可以雙拼，湯底無欺場，麻辣湯上有一大舊牛油，蕃茄湯都有好多舊蕃茄同薯仔。兩個湯底都夠味，溝左嘅豉油汁都好少用。
牛肉做緊半價優惠，黑柏葉折左$49，分分鐘平過平時出街食漂白過個種。黑柏葉切得大大件，煮完縮細左都仲keep到個口感，推薦放落麻辣到，好掛湯。
牛頸脊
本身睇樣諗住麻麻，油脂分佈唔算好靚，點知食落有驚喜。肉片唔會切太薄，呢種厚少少嘅肉食落更加有口感，肉嫩又有牛味。
韭菜餃
本身想叫啲特色餃，例如鮑魚餃，但當日無貨。韭菜餃個餡嘅菜肉比例唔錯，可惜餃子收口位包得太厚，咬落去略硬同厚。
白鱔拼脆鯇片
每樣有4塊，白鱔彈牙無骨，可惜當日個脆鯇片好重泥味，用麻辣湯都蓋佢唔住。建議淨叫白鱔，白鱔好食。
花雕醉雞啖啖肉，但由於我地太鐘意麻辣湯，用佢黎煮已經試唔出酒味。
山藥+生菜
當日店員服務都好好，有禮貌又積極加湯加茶。見我哋疑惑咁望住魚缸條不知名魚時，又會同我哋講下笑，介紹下。可能好多人對餐廳個賣點focus左落旅遊主題，但個人覺得食物質素都有水準，絕對值得比次機會試下。
張貼
